နစ်ကာဝီစကီစက်ရုံ၊ ပင်လယ်အလှနဲ့ ပျော်ခဲ့သော ခရီး

မီးငယ် သွားရတဲ့ ကာစတန်မာဆိုက်က ၀န်ထမ်းအားလုံးမှာ ထူးခြားချက်တခုရှိပါတယ်။ ကုမ္ပဏီစတည်ထောင် ထဲက နှစ်နှစ်ဆယ်အတွင်း ၀န်ထမ်းခရီးဆိုတာ မရှိခဲ့တာပါပဲ။ ကိုယ့်အချင်းချင်း ညှိပြီး သွားလည်ကြတာမျိုး ရှိပေမယ့် အုပ်စုလိုက်တခါမှ မသွားခဲ့ပါဘူးတဲ့။ မီးငယ် ရောက်ပြီး သိပ်မကြာခင်မှာပဲ ဘယ်သွားချင်လဲလို့ မေးလာတာနဲ့ အားလုံးလိုက်ရင်တော့ ပင်လယ် သွားမယ်ဆိုပြီး ပြောခဲ့တာမို့ ရုံးထဲမှာလည်း စီစဉ်စရာတွေနဲ့ မေးလ်တွေပို့ပြီး ခရီးတခု စီစဉ်ဖြစ်ခဲ့ပါတယ်။ ပင်လယ်သွားမယ်လို့ ပြောခဲ့ပေမယ့် လမ်းတလျှောက်က စိတ်ဝင်စားစရာနေရာတွေကြီး ဖြစ်ခဲ့တာမို့ တကယ်ပင်လယ်လည်း ရောက်ရော အဝေးကပဲ ကြည့်လို့ရတဲ့ နေရာ ဖြစ်ခဲ့တာမို့ ရယ်ရပါသေးတယ်။ ဒါပေမယ့် တကယ့်ကိုပျော်ရွှင်ခဲ့တဲ့ ခရီးတခုပါပဲ။ ကားနှစ်စီးနဲ့ သွားခဲ့ကြတာပါ။ လမ်းတလျှောက်မှာလည်း သီချင်းတွေ အော်ဆိုနေတဲ့ မီးငယ်နဲ့အတူ အားလုံး သီချင်းတွေ လိုက်ဆိုကြတာမို့ အရမ်းကို ပျော်ခဲ့ရပါတယ်။ အမှတ်ရနေပါသေးတယ် ဆပ်ပိုရိုရယ်။

ဒါကတော့ စပျစ်ခြံရှိတဲ့ နေရာက ဆိုင်ပါ။ ခြံထဲကိုတော့ မသွားခဲ့တာမို့ ဆိုင်မှာပဲ ၀ယ်စားကြရင်း ဘာဘီကျူးပါတီ လုပ်ဖြစ်ခဲ့တဲ့နေရာလေးပါ။ နယ်မြို့လေးကဆိုင်တွေပီပီ တိုကျိုက ဆိုင်ပုံစံတွေနဲ့တော့ ကွာတာ အမှန်ပါပဲ။

ဘာဘီကျူးလုပ်တဲ့ မီးဖိုက အလယ်မှာ မီးသွေးတွေနဲ့ ကင်တဲ့ မီးဖိုမို့ ထူးခြားတဲ့ ဒီဇိုင်းပုံစံလေးပါပဲ။
( တိုကျိုမှာတော့ ဂတ်စ်နဲ့ပဲ ကင်တာများပါတယ်။ မီးသွေးဆိုင်ဆိုရင် ဈေးအရမ်းကြီးပါတယ်။ )


ဒါကတော့ နစ်ကာ ၀ီစကီချက်တဲ့ စက်ရုံပါ.။ ၀ီစကီပေါင်းစုံကို ပြထားပေးတဲ့အပြင် ၀ိုင်ပေါင်းစုံ၊ အချိုရည် ပေါင်းစုံလည်း ရနိုင်ပါတယ်။ အချိုရည်ဆိုပေမယ့် အယ်လ်ကိုဟောပါတဲ့ အချိုရည်ပါ။ ဘယ်မှာမှ ၀ယ်လို့မရနိုင်ဘဲ အဲ့ဒီတနေရာထဲ ၀ယ်လို့ရပေမယ့် ဈေးတွေခေါင်ခိုက်နေတာမို့ ၀ယ်မလာဖြစ်ခဲ့ပါဘူး။



ဒါကတော့နစ်ကာဝီစကီစက်ရုံဝင်ပေါက်မှာ ရိုက်ထားတာပါ။ ချစ်သော သူငယ်ချင်းတွေပါပဲ။ အမြဲ သတိရနေမှာပါ။ အရမ်းကိုပျော်ဖို့ကောင်းခဲ့သလို မိသားစုလို နွေးထွေးခဲ့ရတဲ့ နေရာလေးတခုပါ။

စက်ရုံထဲမှာတော့ ခုံတွေ စားပွဲတွေ ပြင်ဆင်ထားပြီးတော့ အနားထိုင်ယူလို့လည်းရပါတယ်။ ထူးခြားချက်ကတော့ နှစ်သက်ရာ ၀ိုင်၊ ၀ီစကီ ၊ အချိုရည် အားလုံး အလကား သောက်ခွင့်ရှိပါတယ် :D
ဒါပေမယ့် အားလုံးက နည်းနည်းလေး မြည်းကြည့်တာတောင် တော်တော်ပြင်းတာမို့ မီးငယ်တော့ သောက်နိုင်ခဲ့ပါဘူး။ ဘားကောင်တာမှာ တင်ထားတဲ့ အထဲက ကြိုက်နှစ်သက်ရာသောက်ခွင့်ရှိသလို ၀ယ်ချင်ရင်လည်း ရောင်းပေးတဲ့နေရာပါ။

မီးငယ်တို့အုပ်စုလည်း ခနတော့ အနားယူဖြစ်ခဲ့ပါသေးတယ်။ အဖွဲ့ထဲက တယောက်ကတော့ တညလုံး မိုးလင်းပေါက်အလုပ်ဆင်းခဲ့ရတဲ့အပြင် နည်းနည်း မြည်းတာ လွန်သွားတာမို့ ပင်လယ်သွားတဲ့လမ်းတလျှောက်မှာတော့ ကားပေါ်မှာ မှောက်နေပါတော့တယ် :P တလမ်းလုံး လမ်းလျှောက်တာ ခြေထောက်ကို အကျဲကြီး လှမ်းပြီး အော်နေတာမို့ ၀ိုင်းရီဖြစ်ခဲ့ကြပါတယ်.။ အမှတ်တရပါပဲ။


ပင်လယ်ကိုသွားမယ်လို့ ခေါင်းစဉ်တပ်ခဲ့ပြီး ရောက်ခဲ့တာက တခြားနေရာတွေ ဖြစ်ခဲ့တဲ့အပြင် တကယ်ရောက်တဲ့ ပင်လယ်က အဝေးကပဲ လှမ်းကြည့်လို့ရတဲ့နေရာပါ။ :D ကိုယ်ပြောခဲ့တာက ရေဆော့ချင်လို့ ပြောခဲ့ပေမယ့် ပင်လယ်သွားကြည့်ရန်လို့ ခေါင်းစဉ်တပ်လိုက်လို့ ထင်ပါရဲ့ တကယ့်ကို ကြည့်လို့ပဲရပါတယ်။ တော်တော်ဝေးဝေးနေရာကပါ။ :P မီးငယ်နဲ့ တွဲရိုက်ထားတာကတော့ ကာစတန်မာရုံးက management အဖွဲ့ကပါ။ သူ့မြေးနဲ့မှ ရွယ်တူဖြစ်တဲ့အပြင် အရမ်းကို ဆော့တဲ့ မီးငယ်ကို ပထမဆုံး လက်မြှောက်သွားတာ အဲ့ဒီခရီးမှာပါပဲ ( ကိုယ်က ရုံးမှာတုန်းက ခပ်တည်တည်ဆိုတော့လေ :D )

အဲ့ဒီအဆောက်အဦးကတော့ ငါးကနေမုန့်တွေလုပ်တဲ့ စက်ရုံပါ။ တခါထဲလုပ် တခါထဲရောင်းနဲ့ တော်တော် စိတ်ဝင်စားဖို့ကောင်းပါတယ်။ အဲ့ဒီစက်ရုံအကြောင်းကိုတော့ သီးသန့်ပို့စ်တင်ပါ့မယ် :)

ပင်လယ်ကမ်းခြေကအပြန်မှာတော့ အားလုံးပင်ပန်းနေကြပေမယ့် မီးငယ်ရယ်။ မမနှစ်ယောက်ရယ် သုံးယောက်သား နွေဦးပွဲတော်ဆီကို ချီတက်လာကြပြန်ပါတယ် :D မမောနိုင်မပမ်းနိုင်ဆော့နေကြတာ။
ရှားရှားပါးပါး တိုကျိုမှာ ရှိပေမယ့် အခုလို အိန္ဒိင်္ယအစားအစာကို သူတို့လူမျိုးကိုယ်တိုင် ချက်ရောင်းတဲ့ ဆိုင်တော့ မရှိပါဘူး။ ဟော့ကိုင်းဒိုးရဲ့ နာမည်ကြီးအစားအစာထဲမှာပါတဲ့ Curry Soup လို့ခေါ်တဲ့ အရည်သောက် ဟင်းရည် တမျိုးပါ။ အမှတ်တရ စားခဲ့ပါသေးတယ် ။ :D